About this episode
🍎各位聽眾朋友，啥物當時行？今仔日「佇厝講台語」的主題是 健康飲食當時行。健康的飲食習慣，毋但會當顧身體，嘛會當予咱的生活閣較有元氣！ 🥦嘉芬校長佮淑惠老師講著健康飲食，頭一个就會想著 莫食傷油臊，愛 加食菜蔬佮果子，加工食品佮「糞埽食物」嘛愛減食寡。 👩🍳節目中嘛邀請著 臺北市復興高中江相愛同學，分享伊佇厝裡的飲食慣勢。相愛講，in兜平常時食的攏較健康，阿母煮食大部分是 用煠的抑是用炊的。雖然伊有時仔嘛會想欲食 烘的抑是糋的，毋過伊其實嘛真愛食青菜，親像 高麗菜、水蓮、萵仔菜 攏是伊的最愛。 🍽雖然烘的佮糋的食物真好食，毋過伊無定定食，只有 三不五時佮同學做伙出去𨑨迌 的時陣才會食。 💧另外，食物件的時，保持健康的習慣嘛是真重要。譬論講 愛沓沓仔哺，莫食傷緊，而且愛記得 補充足夠的水分，身體才會健康。 🏠節目的尾聲嘛鼓勵聽眾朋友 佇厝講台語，會使佮厝裡的人做伙討論「健康飲食當時行」這个話題，培養好習慣，予身體愈來愈勇健喔！ 🎙️厝邊聽海風主持人：戴寶村 🎙️佇厝講台語主持人：加分校長、淑惠老師 #一周五分鐘，臺語你嘛通！ #每周六聽厝邊聽海風 #每周日佇厝講台語學台語 #喜歡閩南語的朋友，請多多幫我們五星評分鼓勵喔！ ☆若您對本頻道節目有任何疑問或建議，請e-mail 至：service@ner.gov.tw ----- Apple｜Spotify｜Google｜KKBOX｜Firstory｜SoundOn 搜尋訂閱：做伙學台語 ----- 🎙教育電臺🎙 📻官網:https://bit.ly/39ISswV 🔗粉絲團:https://bit.ly/nerpodcastlink 🛜Youtube頻道:http://bit.ly/3TOGfx4 Powered by Firstory Hosting
